चित्र

मला तुझ्यात काय आवडलं?

तसे काहीच नाही.

वर-वरचं हसून बोलायला शिकलेय मी

माझ्यातलं माझेपण लपवायला शिकलेय मी

मी तुझं कौतुक केला असेन तर

त्यावर जाऊ नकोस

पण एक चित्र डोळ्यांवर ठसून आहे

निरोप घेऊन मी वळत असतांना

तुझ्या सावलीचा एक भाग दिसत होता

तू दोन क्षण थांबला होतास तिथे

त्या थांबण्यात ओढ न्हवती

काळजी होती

"ही जात आहे का व्यवस्थित?"

मऊपण होतं त्या सावलीच्या तुकड्यात

बाकी तुझ्या वर-वरच्या रेषांशी 

माझं इतकं घेणं-देणं नाहीये

कळलं का आता

काय आवडलं ते?

-चा.गि.
13-10-18