मला विचारू नकोस
दुपारच्या तीन वाजता
मला चिमण्यांचा विचार का येतो
येतो रे विचार
मला काळजी वाटते त्यांची
ते उदंड, विपुल, अमाप प्रमाणात असायचे
आता विखुरलेत
कोठे, कोठे गेलेत रे चिमण्या?!
कोठे गेलेत चिमण्या?!
अश्या अभिजात इमारतींत
सुसंस्कृत बाई म्हणून
नाही राहायचंय मला!
गचाळ आहे हे सगळं!
अनावर आगळिकीला घडी घालून
सभ्यता म्हंटलेलं आहे
माझा विरोध आहे रे
म्हण, म्हण मला वेडी
मला मूर्ख म्हण
पण मला बोलायचं आहे रे
मला ह्या भिंती फोडायच्या आहेत
नको, नको आपला हा फाल्स सीलिंग,
हं?
तोडते मी
मला पळायचं आहे रे
मला वाचवायचंय
मला चिमण्यांना वाचवायचं आहे रे!!!
-
चांदणी गिरीजा
दिवस ०७/३० । ३० दिवसात ३० कविता । राष्ट्रीय कविता लेखन महिना #नापोरीमो
#napowrimo #napowrimo2022
No comments:
Post a Comment